Խորհրդանիշեր

ԵԿՄ դրոշը

1996թ. սեպտեմբերի 14-ին, Հայաստանի Հանրապետության նախագահի հրամանագրով,
 ԵրկրապահԿամավորականների միությանը հանձնվեց մարտական դրոշ: Դրոշի հանձնման
 հանդիսավոր արարողությանը ներկա էին
 Հայաստանի Հանրապետության նախագահ Լեւոն Տեր-Պետրոսյանը,
 ՀՀպաշտպանության նախարար, ԵԿՄ նախագահ Վազգեն Սարգսյանը,
Ազգային ժողովի նախագահԲաբկեն Արարքցյանը, բազմաթիվ երկրապահներ:

ՕՐՀՆԵՐԳ ԵՐԿՐԱՊԱՀԻ

Ֆիդայական ոգին մեր մեջ զորավոր
Մենք կազմեցինք քաջ ջոկատներ կամավոր,
Թշնամու դեմ բերդեր դարձանք անսասան,
Ազատեցինք Արցախ հողը սրբազան:

կրկներգ
Մենք երկրապահ կամավոր ենք` Հայաստան,
Մենք զորավոր ու զինվոր ենք` Հայաստան,
Երդումն է մեր` հաստատակամ պինդ եղիր,
Ինչքան էլ որ դժվար լինի` դիմացիր:

Արծիվ էիք, ոչ մի թռիչք իզուր չէր,
Ոչ մի գնդակ պետք է որ ձեզ չդիպչեր,
Արյուն թափվեց, բանակ դարձաք, կանգնեցիք,
Երկիրը մեր անկախ հզոր պահեցիք:

կրկներգ
Մենք երկրապահ կամավոր ենք` Հայաստան,
Մենք զորավոր ու զինվոր ենք` Հայաստան,
Երդումն է մեր` հաստատակամ պինդ եղիր,
Ինչքան էլ որ դժվար լինի` դիմացիր:

ԵԿՄ զինանշանը

ԵԿՄ զինանշանը իրենից ներկայացնում է բացված թևերով արծիվ, որի ներքևում պատկերված է սուր և վահան` հավերժության նշանով:

ԵԿՄ զինանշանի հիմքում ընկած է 1990թ-ից ՀԽՍՀ Գերագույն խորհրդի ենթակայության տակ գործող երկրապահ ջոկատների զինանշանը:

ԵԿՄ հիմնադիր առաջին համագումարում աննշան փոփոխություններով այն ընդունվեց որպես ԵԿՄ հասարակական կազմակերպության պաշտոնական զինանշան:

Էջմիածին քաղաքի դրոշը

Էջմիածին քաղաքի օրհներգը


Տիրոջ սուրբ լույսով օծված,

Հայերի աղոթքից ծնված,

Սեր, հույս ու մեծ հավատ

Դու մեր հին Վաղարշապատ:

Անհաղթ ոգով շարված պարիսպ`

Դու դարձար թագավորանիստ,

Ողջ հայության համար

Հոգու հաց ու Մայր Տաճար:

Կրկներգ

Միածին Աստծո օրհնած քաղաք

Փառք հերոսներին քո նահատակ,

Սուրբ օրրան Էջմիածին`

Պահապան հայ ազգին:

Դու ամեն հայի հոգում միշտ կաս

Սուրբ Լուսավորչի տեսած երազ,

Դու տարեց ու նորածին

Մեր սուրբ Էջմիածին:

Այսօր, վաղն ու օրեցօր

Կդառնաս ավելի հզոր,

Թող լույսդ էության

Ապրեցնի մեզ հավիտյան:

Կրկներգ

Էջմիածին քաղաքի զինանշանը